中醫病系分類

註冊中醫分類

經歷詳述:
我都係王醫師病人，本人多年受濕疹影響,杜致不能上班,全日痕痒不堪，甩皮情況嚴重，睇開既醫生都幫唔到忙，所以去王醫師度試吓, 開7日藥，送了一支皮膚水，及開了一個洗身方煲水洗身用的, 第一日用完,身體加倍痕癢，立即WHATSAPP醫師
( 呢樣我覺得好好,從來未試過睇完醫生, 仲可以隨時WHATSAPP問問題的)

醫師叫我用止癢水,同洗身忍耐至食完藥覆診，捱過幾日之後, 紅色的濕疹不癢了,變了暗黑色, 宜家睇左差唔多3個月了,不癢了, 黑色位置開始見到正常皮膚顏色, 只是腋下同睥位還有點癢, 但每晚已能睡得著了,情況是滿意的，所以同大家分享吓
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 已視為本人的必然選擇

經歷詳述:
我系嚟睇濕疹 我之前都有睇過好多個但呢搞到我情況系超級差 我見呢個網話佢睇濕疹好先嚟睇 我原先我面同身都有濕疹 但系面勁啲身就少少 我睇左一個星期有多 我第一次睇開左4日藥我食左第一劑我就全身出曬粒粒紅點同面好紅頸出水超級痕 我就ws問佢我食完好有不良反應 佢話吾好放棄一定好繼續食 佢話知道咩情況食兩個星期會好我就聽佢話繼續食一直食一直睇佢 而我情況一直差完全無改善 搞到我食甘多日痕足甘多日晚晚無過教 好慘 我就問佢系咪啲藥出左咩問題食到甘 佢話要試慢慢試下就得 我話我痕到頂吾順r到損曬出曬血佢話會好咖 我會醫到 最後我話真系好痛苦佢話您再吾得就睇左西醫再反去搵佢 我比佢搞到甘我緊系無反去搵佢 個晚我就去左睇西醫佢話哇食左啲咩搞到好嚴重 同我打左支針我先舒服左少少 我真系比佢害死 之後去左睇第二個中醫 我比我啲藥方佢睇 佢話我根本吾岩食啲藥只會搞愈嚟愈差 開錯曬藥 話我情況真系好差好嚴重 最後睇第二個好緊好多退緊啲粒粒！ 要睇佢之前請三思。
簡評:
個人觀感- 有欠詳盡、耽誤病情
經歷過程- 醫生會清晰明確的講解其病情
推介意見- 本人絕對不會再作光顧

經歷詳述:
本人經常頭暈及失眠，但身體檢查未有發現有何不妥，經朋友介紹見了王醫生，問診及檢查差不多20分鐘，得出結論說我是頸椎病及神經緊張引致，便試了針灸，針完果真輕鬆很多，另配了5天藥，服後改善了睡眠，雖然還是會醒，但醒後仍可再睡，,很細心的醫生，會去覆診的
簡評:
個人觀感- 醫術精湛、鉅細無遺
經歷過程- 醫護人員親切有禮的提供協助
推介意見- 已視為本人的必然選擇

經歷詳述:
今日是和大家分享，我有BB 出世了，可以CONGRA我了，慘過食驚風散：

今次分享係因為我已經39歲，試過兩次IVF都陀不了兩個月就流產，今次忽然自然受孕，我同老公呢5,6年黎都好想有BB，做過孕前檢測都正常，不過就係唔中。

有一次同事睇媽媽網個呢個網，話呢個王醫師婦科OK，就上去睇，第一次問得好詳細，話我宮寒，我都唔知係咩，仲俾埋D紙我MARK低體溫，計排卵，半信半疑俾一個月機會佢試，食左D藥粉好兩個星期左右好似個人有少少唔同, 講唔出，但經期D唔舒服就明顯無左，直到3月無黎M, 佢都無講咩，3月中既時候覆診佢俾支驗孕棒我，兩條線，唔信再去家庭醫生度驗，真係有左，勁開心啦, 點知無耐就出血，再上去睇，王醫師話子宮機能唔係咁好，盡力而為，咁我又怕食咁多藥對BB唔好，就一日藥分兩日食,食到2月中到佢話無事唔好出黎，放心安胎，我都唔知點算，又無藥食，我未生得，等下等下尋日BB出世啦，好開心，總算完成任務，果種擔心係大家唔會明既，我寫呢篇報告係得別多謝王醫師同呢個網，不過坐月我唔洗開廿八方了，我奶奶話自已搞，遲D先上黎多謝你, THANK YOU THANKYOU
簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 已視為本人的必然選擇

經歷詳述:
我前排谷M谷極都谷唔出黎，成身熱又唔舒服又燥底，呢D一年都會有3幾次，不嬲有睇開中醫既，次次一包二包開十幾包又要煲又要睇火又無乜用，咁上網摷到王醫生，約好到診所，D人幾有禮貌，醫生都睇左成5,6分鐘，5日藥4佰幾，最勁係，夜晚沖左一包，朝早開工飲多一包就黎左，你地唔明，一黎成個人果種輕鬆，好似成個人都輕左咁，呢個醫生有料到，抵讚
簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

中藥資訊

中醫師病系資料庫

睇中醫網 Chinesedoctor