中醫病系分類

註冊中醫分類

揾唔到韓醫師,於是喺鄭醫師度多謝埋佢(同診所),鄭醫師醫我,韓醫師醫我husband,佢心臟痛成日發,西醫話照唔出咩大問題,心電圖,24小時,運動心電圖,照冠脈都齊,但佢真係時時發,話好唔舒服,有時半夜會痛到醒,冷汗出,見我睇中醫,又跟黎,鄭醫師轉介佢睇韓醫師,話佢經驗豐富,食咗藥一排,佢明顯少咗心痛情況,而且雖然有發作,但時間短咗,都有Keep住睇,韓醫師個人風趣幽默,但醫術高明,問診用藥認真,好好人!
簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

8月中剛轉工後面突然紅曬，狂爆粒粒，膿多又黃，去做facial嗰個叫我去睇中醫，開頭睇一個，仲差咗，腫到一舊舊，後來轉咗睇鄭醫師，佢好細心，連日常調理都講得好清楚，食咗3包，面色已轉好，膿少咗，再調咗1個星期，已經冇再生粒粒，係啲暗印唔退，佢都叫我等啲印自己退得喇，唔使再特別食藥調暗瘡，但見佢睇得好，我都keep住1周攞3包藥調理身體，暫時感覺唔錯，面色朋友話好咗，個人感覺精神咗，，
簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

鄭醫師您好
本人將近47歲，近4年都有亂經問題，通常2個月無來經之後就來經量會好多及有血塊，如是者發生了2、3次後，就會經期延長至1個月以上，由最初滴漏10多20天到演變血崩

西醫診治：2014年10月做宮腔鏡刮除子宮內膜增厚（10多cm厚）及刮除2.7cm瘜肉
刮宮後有8個月看中醫調理約6、7個月後，問題又再重複。
停了中藥，再接受西醫黃體素一個療程。但6、7個月後又再重複同樣的病
因6月5日開始滲血，每天小量。到17/7來經量多直到現在未停。6/7看西醫，診症的荷爾蒙好亂，開了黃體素，但吃了薬經期沒有停，滲血水，然後滴血，西醫建議由每天吃2次加至3次，但問題無仍然存在，至17/7突然來經量好多有血塊，第5天似完，只有少量啡血，但第6天突然勁多血夾雜克色渣，克色渣好臭，煙崩爛臭，25/7西醫診治有约3cm子宮肌瘤（良性）吊住在子宮脛並發炎，開了抗生素，黃體素繼續吃。
建議做子宮刮除，否則會不停出血。我問西醫做完手術會否又再發生，因2年前做完现又要再做，西醫話不會再生，因為今次咁大粒瘤由內膜甩出來，內膜就不厚了。！
但我仍然有擔心，所以請教醫師。
1）我的情況可否不做手術，用針灸或中藥治療
2）今次刮宮手術後，不會再發生，這說法是對的嗎？

備註：來經前有淸水流出有味（腥'壓'味）
謝謝醫師為我解答疑難
簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇

我不嬲都有哮喘史,成日一入夜就係咁咳,一瞓低就喘氣,呼呼聲咁,喘到瞓唔到,返工冇精神,好辛苦,睇咗幾個西醫,都係開類固醇類藥比我,食藥食到1日3-4次,加吸藥,都搞佢唔掂,食中藥又試過,好少少,但不久又復發,1個月都發成2-3星期,根本生活唔到,好彩遇到鄭醫師,其實係去BOOK旅行時經過,嗰日咁啱又好唔舒服,咪睇咗佢,佢人幾NICE,學識都唔錯,中西醫的嘢都講到吓,又好細心教咗我點按穴位,食咩唔食咩咁,原來我一路都成日食錯嘢,我跟佢指示飲食,雖然冇啖好食,但加埋食藥,7日藥期間已經覺得喘氣少咗,瞓返好覺,係初初瞓低有少少難瞓,臨天光又喘多咗啲,但中間起碼瞓到5-6個鐘,然後食完第5日藥已經冇咩點喘,期間我仲自己停埋西藥,都冇事,食完7日,個身開始識暖,冇咁怕凍,返屋企行條斜路都喘少咗,宜家我KEEP住睇佢,叫哩半個幾月都未再發過哮喘,佢話KEEP住食藥2個月,之後可視情況慢慢兩星期,甚至隔一月睇一次,如果兩年都唔再發就叫斷尾,至今我覺得效果好好,感恩
簡評:
個人觀感- 經驗豐富、絕不拖症
經歷過程- 醫生會清晰明確的講解其病情
推介意見- 已視為本人的必然選擇

我經常性個胃脹住脹住,又肚痾,d糞便啡啡臭臭的,一痾親就不停出汗,仲會肚痛,西醫話我係咩腸胃易激綜合症喎,每次都比止痾藥我,食完個人係唔痾,但都係唔舒服,食埋胃藥都會胃脹,改睇中醫,我睇好多中醫都話我脾胃虛寒,但每次醫好,四五日又會再肚痾過,本身個人都唔敢再亂食嘢,每次食嘢都好小心,生冷嘢一d都唔敢掂喇,但都仲係咁,搞到個人真係好忟,做嘢好唔方便,一陣又想去廁所,好煩,都唔知點解會咁痾痾痾,後來在網上搜到匯康中醫診所鄭醫師,因為睇咗幾個都醫唔好,諗住試埋呢個再唔得就算喇,睇返西醫,結果又比佢醫好咗喎,我食咗1日藥己經止咗痾,但佢堅持話要我食足7日,咪食,期間咁多日已經冇再痾,d糞便成返條,唔再一pat嘢咁,至今冇食藥,過咗成個禮拜多,我都未有再話肚痾,好開心,唔使攬住個廁所做人la..真係要比返個讚鄭醫師先,多謝曬!
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介

中醫師病系資料庫

睇中醫網 Chinesedoctor