本人20歲,以前一直多頭髮,髮型師話我頭髮黑,粗同硬,這幾個月突然發覺前額有脫髮,左額角較為嚴重,有時覺得頭皮有點痛,有時有生瘡(少),係這幾個月才有的現象.
我先去過健髮中心,照過頭皮,話我頭皮多油阻塞毛孔同毛孔內有菌,話導致脫髮,佢地話不是遺傳,遺傳約35歲先會有,仲照到我頭髮有D開始變幼,髮根顏色變淺,皮膚有紅(話係發炎),有白色既菌,幫我噴左6次中藥藥水(話係殺菌止癢),照唔知咩燈,在家用中藥洗頭水洗頭,但不覺有太大成效,佢地話6次係唔夠,佢話要清曬D菌先會無事.
之後我睇了一次皮膚科醫生,看了兩看話係雄性禿(我爸爸有禿頭,我知道是DHT導致),佢話得食藥幫到我(Propecia,我知道副作用),會防脫髮,但未必生頭髮,要食3個月先開始見效,仲要食一世,停左就會繼續脫髮,仲有比左一小樽洗頭水我,佢話噴藥水成效唔大,我現在食左兩個幾星期.
現在狀況:其實同剛發現脫髮時無太大分別,無咩點向上移,但都無多到,但脫下的頭髮有幼短,有粗長,有幼長,D頭髮又好似好乾,會有D頭髮飛起(好似亂亂曲曲地咁).
我之前成日將D頭髮立向後戴帽(經常),我也有gel頭,噴噴發膠(量都多),會唔會因為li D原因導致脫髮?仲會唔會有其他原因(脂溢性之類)?
現在游水會唔會有問題(以前游完頭髮會好DRY,怕會加劇)?有時早上出街前會洗頭(無水頭水),會唔會有問題?多做運動有無效?如果隻藥真的可以防脫髮,點樣先能夠生回頭髮?
希望能夠詳細回答,萬分感謝!!!