經歷詳述:
多年前屋企人一早去排攞咗3個籌，見診費唔貴(不包藥)順便去睇當調理吓，話我肝火，同我屋企人都係話有『肝火』，寫咗藥單比我，之後落『華豐國貨』執藥。
數月後又再跟屋企人去一次，因為佢住家型式應診，應診地方係開放式，等待其間都會聽到佢同其他病人對話，我成日聽到佢同病人講:『你有肝火...』，之後我再對吓屋企人係其他地區睇嘅藥單係一樣，但係執藥地方唔同，自此之後我地冇再去過，但執藥就會去『華豐國貨』，『華豐國貨』藥材乾淨冇怪味。
同屋企人研究過，大家一般睇嘅都係小病痛，最緊要係飲落肚嘅藥材要安全，本人並不覺得佢特別高明。

最近聽見親戚講開有位李神醫係北角要天未光排隊攞籌，有感而發，分享吓經歷。

如果要咁辛苦先攞到個籌，得到咁嘅結果，真係怕小病變大病，(好多人都有種錯覺，多人排隊就一定係好，本人覺得『醫德』比較重要)，大家量力而為。
簡評:
個人觀感- 普普通通、中規中距
經歷過程- 求診病人實在太多，等候需時
推介意見- 本人絕對不會再作光顧