中醫病系分類

註冊中醫分類

話說仔仔某朝突然全身出哂不知名的紅疹，仲要癢到跳舞，真係自己見到個仔都驚，帶佢睇西醫只是說過敏，開左一大堆類固醇同抗生素，最閉係食完都無好過，惟有轉睇中醫，事關我地住李醫生附近，成日行過都見佢門口一大堆人等，一向晤信中醫的我諗住試下無防，點知食左醫師三日藥，紅疹全退，自己都覺好神奇，依家keep住用醫師介紹的中藥成份的沖涼液，仔仔皮膚有時出的濕疹都無埋，最緊要醫師用沖劑又方便，價錢仲要超超合理（比起外面大部分中西醫，因為本人格過價），不過你有心去睇一定要預時間，好醫師難求，一定多人等，不過如果可以幫你醫好，等下又可防,同埋雖然醫師多人睇，佢全無架子，解釋詳盡，唔怕你煩，依家全家睇佢，值得推推介
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介

經歷詳述:

小產後排不清惡露，朋友介紹睇藍田衛和堂中醫，第一次睇排咗兩個鐘，醫師話要療程要十日。其實我過幾日就要返西醫那邊覆診，再排唔清就要做手術，中醫話要十日我唯有拖住西醫嗰邊。中醫話開住5日藥俾我先，食完再返去睇。

食完5日藥一滴血都冇流，反而每晚都瞓唔到覺。睇返開俾我d藥主要係調理身體，仲有樣係安胎用㗎𠻹（我而家要流，唔係要留呀）

再次返去睇，不斷見到遲過我黎，剛剛到嘅人早過我睇，其中一個係問我點排隊，我教她去登記。次次衞和堂個女人都話未到我，我張病歷卡一直都係最底，上面全部都係空白病歷卡。問衞和堂個女人，佢好惡啤住我話那堆剛到有得睇嘅全部都係之前打電話嚟掛號。

安排睇症流程很有問題，並非先到先睇，疑似專門照顧新客，身為舊客平日下午都要等兩個鐘（因為不斷被打尖）。另外，排惡露要十日療程（但西醫一星期就要覆診），疑似拖症。可能d藥唔夾我，未試過食中藥食完仲辛苦過我未食。

簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧

經歷詳述:

此醫師比較hard sell,睇跌打，成日叫你買藥，你唔肯買藥開藥就加你診金！之前系同一間診所睇第二個醫師又用手按摩又照燈先收$180,佢唔幫你做手法，換咗做電療，而且果部機佢完全唔熟手操作，睇咗好耐說明先知道按邊個制。電完然后掉你系間房度照燈無理，診所明碼實價寫住跌打$180,最後就收$230,因為佢以為我公司可以claim到$200,實際上普通中醫剩系claim到一半，問佢點解貴咗佢就話因為做咗個十幾分鐘電療！大佬，睇跌打唔通就是照下燈敷個藥咁簡單？咁使乜穩你!以後都唔會穩呢個醫師睇，除非系富婆
簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 本人絕對不會再作光顧

中醫師病系資料庫

睇中醫網 Chinesedoctor