中醫病系分類

註冊中醫分類

經歷詳述:
前年下旬時，我做左一個微創手術去移除復發既朱古力瘤，今次翻發既朱古力瘤體積比第一次既大好多，三粒痴埋一齊約共 10CM. 手術之後，除左要跟婦科醫生既指示要戒口，亦都需要長期服用避孕藥去避免再翻發。但係，因為藥物既影響而患上左抑鬱症，轉左幾次藥都冇用仲愈來愈嚴重。後來經與婦科醫生商量之後，決定停止復食避孕藥，改為每半年返去做例行檢查，以便可以追蹤有冇翻發既跡象, 但情緒時好時壞。
響舊年既年中時，因為月經出現紊亂，未到月經就有出血現象，睇開既中醫由於疫情退左休。於是就響屋企附近既蘇安莎中醫診所求醫而遇到潘醫師。食左幾日中藥之後，當月既月經黎得暢順左。但返去覆診時，潘醫生話我個底好差下，都需要調理一段時間，跟住就開始左為期大半年既食中藥生涯。
響舊年7 月時，返去婦科醫生度做例行檢查時，婦科醫生發現左我既子宮宮腔內有 1粒 1CM既纖維瘤，醫生同我解釋因為呢粒纖維瘤而令我有經期前出血既問題。於是，當我返去潘醫師度覆診時就同佢講左呢件事。同時，醫師都同我講我既脈象有肝鬱既問題 （係情緒病），潘醫師都好有耐性，亦都有問我是否有工作壓力既問題？ 了解一下肝鬱既源頭。
經過好幾個月既調理，我肝鬱既情況改善左好多，睡眠質素好左，月經黎得準時左，出血既問題都有改善。
早幾天，我再去婦科醫生度做例行檢查時，醫生話之前發現既纖維瘤唔見左，朱古力瘤亦冇翻發既跡象。所以我都好開心, 果然呢大半年既努力係有好大既幫助。亦都好感謝潘醫師既幫助。
但潘醫師都好多病人，所以要試既朋友要記得預約。
個人觀感 ： 親切，有耐性。
推介意見：有情緒病，朱古力瘤及纖維瘤者應試
簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 值得向有需要人仕推介

經歷詳述:
時不時都會去搵潘醫師調理，潘醫師問診好仔細，我感覺有被好好聆聽。而且會用簡單的方法向我解釋病情。但醫師預約頗多，要提早一、兩天預約。
簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 想充分掌握病情者應試

中醫師病系資料庫

睇中醫網 Chinesedoctor