經歷詳述:
我祇不過係要求最基本嘅正骨推拿同針灸
喺電話預約時~個前臺態度已經好差
去到現場我認得同我講電話嗰個前臺係金髮/比較年輕/瘦既港女
未入房前已經重複問咗幾個不必要嘅問題
跟住有個阿叔入嚟同我推拿30分鐘
張勇醫師親自同我正骨~經典一分鐘搞掂
浄係拍咗五下~真係我自己做運動拉筋都識
跟住就可以出前臺擺低800個大洋
有種上當的感覺😥跟住我睇清楚價目表明明係包括針灸
跟住嗰個港女前臺就好串噉同我講，我冇要求所以無提供畀我
嗰種態度好似俾人昆完，仲要俾人鬧一樣
噉我梗係同佢理論，她無奈之下先畀返針灸我，仲要係超級悔氣&無禮貌
我唔敢去旅遊就係驚俾人恰，估唔到身為本地人都會俾人哋恰
即係你去餐廳食套餐，冇要求，人哋就唔畀嘢飲
真係唔明點解一間幾出名嘅中醫館，會請啲噉嘅八婆做前臺，簡直倒自己米，隨時一個拖地斟茶阿嬸都熱情過她，講完，真係冇選擇之下，先再去
簡評:
個人觀感- 普普通通、中規中距
經歷過程- 醫護之語調態度令人無所適從
推介意見- 在無其他選擇下可一試