經歷詳述:
已經預約並準時到達(11:45am) ，由於醫生只在上午開診，過了接近45分鐘先至有得入去，(12:30pm) 醫生態度Ok。
我情況係⋯⋯
1個月前，我隻左手手腕因碰撞開始只有瘀傷嘅痛，手腕自由郁到無任何扭傷痛楚，及後(2－3星期前)按摩咁"fing" (搖）咗幾吓，開始有扭親嘅微痛，而且手指頭有觸電的感覺。已經睇過其他跌打，共2次，未有大改變，痛有減少但仍有觸電感．所以朋友介紹下．就試一試哩個醫生，畢竟手指頭有觸電的感覺可能同神經系統有關，所以想揾個可信嘅。

我隻左手手腕只有輕微痛，屬於扭親嘅痛．但冇明顯地扭親，但醫生將我隻手左擰右擰，好似警察捉賊咁大幅度將我隻手擰嚟擰去，目的是check 吓邊個位最痛，但我已經一早話咗比佢聽一般動作都唔太痛，只係去到一個位先比較痛，及無啦啦隻手有觸電感，但佢冇理淨係狅屈我手腕，超痛！我唔覺得係治療一部份（佢只係check check 去到乜野位係最痛），因為事後佢話我手腕根發炎有大大力捽咗幾吓（那才是"治療吧"，佢並話好少事．睇一次應該好（相信每一個睇跌打嘅人都想聽到），但治療後我隻手腕已經超痛，這時我真正覺得有扭親嘅痛，而我最關心嘅＂手指有觸電嘅感覺＂佢乜都冇check，只係話我可能緊張，D血到唔到，所以痺。（完全無心幫我check 吓原因）連問吓我之前有冇其他傷都冇問，似趕收工咁。咁趕就唔好淨係開10一1pm，又接10幾個人（我走嗰時佢仲有十個八個未睇，但淨番唔夠3O分鐘就休息。

最正係佢提我有2樣嘢唔好做
1)唔好將隻手擰嚟擰去 (我想話你頭先咪將我隻手好大力咁扭嚟扭去囉！宜家隻手由少少痛變到唔郁都痛，2）唔好fing .

事後返屋企，痛一直持續，即使唔掂到都痛！好後悔去睇哩個醫生越醫越傷！朋友話佢好得，但真係唔得，已經過咗3日，隻手冇好返，反而痛咗。
本來想上去問清楚點解痛多咗，但我冇理由再比300蚊睇多次，所以決定將經驗寫低．以作參考
簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 本人絕對不會再作光顧