經歷詳述:
吉叔是我最信賴的中醫 今朝為左睇佢
上網搵資料 除了他的姓名地址開診時間
全部都係鬧 最惡毒的語言 看到他被人勁鬧
傷心之餘開心佢無變 一定仲係好精神
繼續鐘意點就點 鄧佢開心

我對上一次睇佢，因為大肚患濕診
不知那來的勇氣，就是唔信西醫
膽粗粗食中藥，佢要我食五劑
我三劑就攪掂，瞓得好，身體好
之後我臨生前再去清胎毒
我仔皮膚好靚

我喜歡吉叔，無可否應，醫生要夾
我好多朋友睇佢，唔夾，無得講
但我喜歡佢係因為佢成日叫我唔好去睇佢
我咳，佢叫我忍下，藥係drug, 食左唔好
佢又叫我坐係度等睇症，聽下佢點教人
啱用記住，自己醫自己
結果我的咳係聽到佢教人唔食物唔食物
我聽下諗下 再請教佢 然後自己介口 得左

由我第一次認識佢 到現在大約二十年
佢從無間斷被人鬧
無醫德 派籌混亂 無係統 無禮貌 睇症急 閙病人
但我睇人 鐘意自己判斷 唔係太聽別人意見
我眼見的吉叔 心地善良 佢在醫館設立派籌制
但我見過有位老伯伯手帶醫院手帶去睇病
老吉立刻仆前去幫佢睇左先 絕對打尖
咁算唔算無係統和混亂？
吉叔醫館唔比人傾電話 太嘈佢把唔到脈
佢為人風趣 見到人有需要 我見過佢唔收錢
佢睇症急 因為上午70個籌 下午70個籌
真是唔想收工咩
點解我咁少睇佢 知道咁多嘢？
因為我攞住個籌 都大要坐係度等二個鐘先有得睇
佢真是好多客

一件事
有好多面
但不變的是

中藥真是好難食😅

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇