經歷詳述:
本人因左右上腹隱痛已經尋訪過多中醫，但每個答案都不同，有的說我肝大頂胃所以痛，但服藥後沒明顯功效，仲要係藥粉，仲要每包100，仲要一日兩包，收我成一千蚊，都唔緊要，我睇咗兩次，仲要食唔好，有拖症之嫌，睇佢嗰時有佢講無你問，你問嘢就咁答你：「我話你係乜就乜啦，無講即係唔係，唔駛問咁多！」另外一個仲好笑，話如果真係痛到頂唔順，就去睇西醫！我真係俾佢吹脹！
但陳國強醫師真係最值得人尊敬，每次睇佢都好耐心咁幫你分析，就算你有問題打電話俾佢，佢都好有耐性咁喺電話度慢慢解釋給你聽，好似噚日咁，我帶我太太去睇，我同佢講話我喉嚨有啲痛，佢話我可能有感冒，話如果我第二朝喉嚨再痛嘅話，就要打俾佢要加藥，結果我今朝真係有痛，所以我就立刻打俾佢，佢喺電話度係咁不厭其煩咁問我症狀，而啲症狀唔係我講，而係佢每樣問我，有無發燒呀？有無咳呀？除咗喉嚨痛有無喉嚨痕呀？有無頭痛？有無頭暈？⋯⋯⋯問得太詳細不能盡錄，盡顯醫者父母心嘅醫德！如果大家有咩病痛真係要睇佢，我唔係賣廣告，我真係俾陳醫師感動！
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介