經歷詳述:
大約三年前，我經常覺得喉嚨有異物，多次睇過中醫和西醫，照埋超聲波，佢哋都話冇事，話係我心理作用精神緊張，但係呢三年我真係覺得喉嚨有嘢，所以呢幾年睇醫生都睇到我唔好意思，睇到驚俾醫生鬧，驚佢哋以為我傻傻地。

呢個病令到我心身靈都開始出問題，好唔開心。直到2023年11月我再次遇到劉博士，我將呢幾年發生既事同埋病情話俾劉博士聽，佢好快就得出結論，話我呢個病叫「梅核氣」，患者總係覺得喉嚨有嘢，病因係長期憂思過度導致肝氣鬱結。劉博士話係好小事有得醫，叫我唔使擔心，我即刻放下心頭大石。

經過大約三個月治療，我嘅病情已經好轉九成，成個人唔同晒，變得樂觀開朗，心情輕鬆愉快，依家（2024年11月）我仍然繼續keep住睇做保健。我想話俾大家知，原來一個好小嘅病都可以衍生出好多問題，大家千祈唔好忽視，尤其是情緒問題。
簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 不可多得，值得等待