經歷詳述:
本身頸椎胸椎腰椎痛，睇左幾個跌打骨傷醫師都未好，經朋友介紹去睇徐培惠中醫，一開始佢睇我帶黎嘅 xray,之後我問有咩問題佢淨係話歪左，之後一黎就暴力啪我條頸2下，又暴力托我胸椎，之後就做完叫我最好日日黎。 我個時未覺得有問題咪第2日再去，第二次又一樣同一動作，今次一整完個頭好暈 胸口又痛 幾驚中風，問個醫師點解會咁，佢話我未好係會痛會暈，完全唔多想解釋。之後幾日頭痛又暈，成個鼻骨都好痛，牙痛，連條舌都痛，超驚即時去返之前個跌打醫師佢話我比人整歪唒，結果又由頭再醫過我，依家起碼唔暈，但我有時仲有鼻骨痛牙痛舌痛，都唔知點算。
平時仲見咁多人去搵依個姓徐嘅醫，都唔知係咪個個俾佢拍傷左唔出聲，我唔想再有人經歷我嘅痛苦，所以先寫我嘅經歷出黎希望想去搵佢醫嘅人三思。
簡評:
個人觀感- 態度有失、醫德有損
經歷過程- 需要自己主動提出較多的諮詢
推介意見- 本人絕對不會再作光顧