經歷詳述:
我有頸椎病4-5年，成日痛到唔郁得，肌肉硬到，扯住連手臂都痛埋，晚晚半夜痛到醒，醒完又瞓唔返，日抖做嘢都唔精神，好忟，西醫一味話要物理治療，比止痛藥我，但其實睇咗好多次都係冇太大改善，都打算放棄，朋友話不如試吓中醫啦，咪試吓，機緣下去睇咗鄭醫生3次，第1次食藥3劑 針灸，效果唔錯，頸痛減咗，夜晚瞓得舒服咗，她好好人，落針前同我鬆咗吓頸椎，又教我每日按摩穴位，仲親自幫我按咗幾下，好大力好痛，痛咗我一個禮拜，但條頸真係keep到4，5日冇痛，好開心，之後痛返少少先再去睇，佢笑我懶，冇按，我話因為痛，佢話一定要繼續按，然後我又繼續食藥 針灸，前後睇咗4次咋，頸椎可以由日日痛到宜家2個月先痛嗰2，3日，我好滿意㗎
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介