經歷詳述:
有一次肚痾，睇左2次，完全沒效果，到第三次我再強調一天痾好多次，佢就話：嗱，今次就真係腸炎，第一次已經係腸炎，佢自圓其說，睇左成8舊水，自己去睇西醫，果個年頭才400左近！即係麥都係佢講！
最近個次食極唔飽，佢話係中醫嚟講一定係胃寒，把脈又話我好寒，食完冇效果，再睇再加重的温熱既藥，又唔得，再睇多次，落埋附子大熱既藥，個人即刻赖野，腸脹氣痛又痾唔到，再返去睇，要瀉下，開完藥單，重態度恶劣同我講佢好少甘做，甘唔係食左妳的藥先變成甘？！再睇多次我入佢話照甘樣痾，我都未講完，佢已經黑面，開完單重好大聲講冇氣痾唔到！我都腸脹氣痛又再補氣，咪死上加死｡俾佢醫完一路未好過，過左幾個月條氣唔順，返去揾佢，佢話幫唔到我，講多幾句，態度更加恶劣｡
我睇番以前係九龍城個中醫，係胃火先之食極唔飽，同我把脈，唔寒，怕凍係因為氣血差，我提返個次佢又補多的氣，個中醫話佢知唔知你腸脹氣，我話知，再話知唔知你有高血壓，我話知，佢就話唔應該補氣。
我依家先知佢只靠脈診，摸到寒定熱，就跟佢摸到既開藥，唔得再加重的，完全相信自己判斷。我問我九龍城個中醫，係咪有的中醫甘？係咪老一輩既多同埋好頑固，佢話係，我話如果佢搞錯咪好大㷛，佢話係，重講中醫唔係點要望聞問切｡俾佢搞到依家都未好番，食大黃都痾唔到！
小病小痛睇佢無妨，個人同病複雜的真係要三思｡真面目其實生意人一個，沒甚醫德，我都未遇过甘既爛中医｡

簡評:
個人觀感- 態度有失、醫德有損
經歷過程- 求診病人實在太多，等候需時
推介意見- 本人絕對不會再作光顧