經歷詳述:
全面照顧健康需要既中醫師

不嬲身體都差，經朋友介紹下第一次睇潘醫師打算處理氣管同鼻敏感既問題。由細到大都肥肥地又鍾意食嘢，但係潘醫師一把脈就問我有冇做過婦科檢查，佢懷疑唔係肥，而係婦科問題。不過我當時太忙無上心，又無乜唔舒服既感覺而無理到。
至於氣管同鼻敏感問題潘醫師幾個月既調理，已經有好大既改善。至少我可以打到泰拳，用急救舒張劇既次數都大幅減少。
後來屋企人過身引發左好嚴重既情緒病。當時長期失眠發惡夢，會覺得自己全身都唔舒服，令我做左一次全身檢查，最後發現左兩個成10cm既畸胎瘤同兩個子宮肌瘤。
如果我一早聽潘醫師講去做左檢查先，後果可能唔會咁嚴重。西醫健議只係需要切畸胎瘤，子宮肌瘤暫時唔處理。手術之後，我又再搵番潘醫師調理，原本西醫諗住我需要食荷爾蒙藥，我堅持唔食，靠中藥同針灸調理，西醫三個月檢查一次，佢都話我月經正常，只要半年照一次就夠。
因為情緒病精神科醫生開左好多款唔同既藥比我，甚至開始對安眠藥依賴，愈食愈多，唔食會訓唔著，我知道咁落去唔係辦法，潘醫師用左一個月時間一星期一次，針灸加中藥，我依家已經唔再需要再用安眠藥瞓覺啦。
打泰拳碰撞扭傷有時都在所難免，潘醫師開既藥膏更加係屋企既常備藥品，整親即刻卒下好快就可以止痛，嚴重既話，潘醫師針灸完一兩日已經好番。
經歷左呢一年食西藥食到怕既時間，更加明白身體健康既重要，keep住一星期搵潘醫師調理，個人訓得好左精神左，可以健康快樂咁生活。
最初其實我好抗拒睇中醫同食中藥，不過潘醫師親切既態度，問診既詳細令到我唔再抗拒，最初因為唔習慣食中藥，食親都嘔，佢好有耐性咁幫我調整到我接受到，慶幸遇到一個好醫師，多謝你呀！
簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 已視為本人的必然選擇